Sociedades Públicas de Navarra

Bosque CPEN - Proyecto de absorción de CO2 en Navarra

gestor — Tue, 03 Oct 2023 14:37:42 +0000

Bosque CPEN - Proyecto de absorción de CO2 en Navarra

Martxan dauden proiektuekin bat egin nahi duzu?

CPEN Basoa - CO2-a xurgatzeko proiektua Nafarroan

CPEN Basoak lankidetza publiko pribatua sustatzen du, Nafarroako enpresa sarea foru lurraldean aurrera eramaten diren basoberritze-proiektuetan inplikatuz, karbono-hustubideak sortzeko eta berotegi-efektuko gasen (BEG) isuriak konpentsatzeko mekanismo baliozkotu gisa.

Nafarroan ia ez da landu Karbonoaren Borondatezko Merkatuan zenbatzen den proiekturik, borondatez baina ofizialki, CO2 isuriak neutralizatu nahi dituztenentzat, edo, besterik gabe, Nafarroan basoberritzeko proiektuetan parte hartu nahi dutenentzat.

CPENetik Basoaren ekimena abiarazi dugu, Nafarroako azken udetako baso-suteek kiskalitako lurretan basoak berritzeko eta isuriak borondatez konpentsatzeko proiektuak abian jartzea bultzatu eta errazteko.

Hala, Nafarroan kokatutako basoberritze-proiektuen zorro bat eskaintzen dugu, interesa duten erakundeek parte hartzeko aukera izan dezaten eta euren aztarna, osoa edo zati bat, konpentsa dezaten.

Proiektu horiek ingurumen eta gizarte onura ugari dituzte; hala nola, atmosferako karbono dioxidoa xurgatzea (karbono-bahiketa ere esaten zaio), enplegua sortzea edota lurralde-kohesioa hobetzea.

Kasu guztietan, proiektuek baso-masa kudeatzeko plan bat izan behar dute eta plan horretan adierazi beharko da zer jarduketa aurreikusten diren, planaren iraunkortasuna bermatu ahal izateko.

Parte hartzeko aukerak

ENPRESA BAT NAIZ

Basoberritze-proiektuekin bat egiteko bi aukera daude: lehenengoak basoberritzeko helburua du soilik eta bigarrenak, basoberritu zein isuriak konpentsatzekoa.

Parte hartzeko aukerak

Konpentsatu nahi den CO₂ kopuruaren arabera, bost sorta ezberdin ditugu:

• Hasierako 50 tona, boskoiztu egin daitezkeenak kudeaketa-planaren balio-bizitzako 50 urteetan: 2.500 €ordainketa bakarrean.

• Hasierako 100 tona, boskoiztu egin daitezkeenak kudeaketa-planaren balio-bizitzako 50 urteetan: 5.000 €ordainketa bakarrean.

• Hasierako 200 tona, boskoiztu egin daitezkeenak kudeaketa-planaren balio-bizitzako 50 urteetan: 10.000 €ordainketa bakarrean.

• Hasierako 1.000 tona, boskoiztu egin daitezkeenak kudeaketa-planaren balio-bizitzako 50 urteetan: 50.000 €ordainketa bakarrean.

• Hasierako 2.000 tona, boskoiztu egin daitezkeenak kudeaketa-planaren balio-bizitzako 50 urteetan: 100.000 €ordainketa bakarrean.

Martxan dauden proiektuekin bat egin nahi duzu?

2024-2025 Kanpaina

Basoberritzea Legardan – Ekarpenei irekitako proiektua

CPEN Basoak karbono-hustubideak sortzeko mekanismo baliozkotu gisa Nafarroan basoberritzeko proiektuetan lankidetza publiko-pribatua sustatzea du helburu. Une honetan, Legardako basoberritzea da martxan.

Testuingurua

• Basoberrituko den azalera: 22,28 hektarea, 2022ko suteetan kiskalita.
• Landatu beharreko espezieak: Larizio pinua (Pinus nigra) eta zedro pinua (Cedrus atlantica).
• Landare kopurua: 35.648 (22.539 larizio pinu eta 13.109 zedro).

Inbertsioa eta kostuak

egardako herri-lurretan basoak berritzeko proiektuak 213.570 €-ko du guztira, obrak egitea, lehen urteko mantentze-lanak egitea eta hustubidearen kudeaketa administratiboa barne.

Ingurumen-eragina

• Iraupen-aldiaren amaieran aurreikusitako CO₂ xurgapenak: 31.545 tona.
• Hasierako xurgapen erabilgarriak: 5.735 CO₂ tona.

Basoberrituko den eremuaren planoa

Bigarren proiektu honek indartu egiten du CPENek eta Nafarroako Gobernuak Nafarroako klima-aldaketaren aurka duten konpromisoa, eta lankidetza publiko-pribatuaren aldeko apustua egiten du kiskalitako foru-lurraldea basoberritzeko.

2023-2024 Kanpaina

Lehendabiziko proiektua – Eskolamendiko parajeko basoberritzea

Nafarroako Enpresa Korporazio Publikoak (CPEN) eta Lesakako Udalak basotze proiektu hau sustatzen dute, 2021eko otsailean izandako suteak suntsitutako baso-masen zati bat berreskuratzeko (770 ha baino gehiagori eragin zien Berako eta Lesakako udalerrietan) eta berotegi-efektuko gasen (BEG) isuriak konpentsatuko dituzten karbono-hustubideak sortzeko.

2021eko suteak Nafarroa, Gipuzkoa eta Frantziako hainbat udalerriri eragin zien, 1.600 hak gainditu zituen eta Lesakan bertan, 400 ha erre zituen. CPENek Lesakako Udalarekin batera sustatutako proiektu honek herriko Eskolamendi parajean 13 ha birlandatzeko helburua du.

Nafarroan karbono-hustubide gisa katalogatuta dagoen eta lankidetza publiko-pribatuaren emaitza den lehen proiektua da hau, eta, hain zuzen ere, azken urteetan lurraldean izandako suteei erantzun kolaboratiboa eman behar zaielako sortu da, sektore pribatua basoberritze-proiektuetan inplikatuz.

2020. urteko eta hurrengo urteetako karbono-aztarna kalkulatu ondoren, CPENek karbono-hustubideak sustatzen ditu foru lurraldean, Nafarroako enpresa sarearen isuriak konpentsatzeko mekanismo baliozkotu gisa.

Irudian markatuta ikusten dugun eremuan, 18.289 zuhaitz-landare landatuko dira guztira:

Aldez aurreko lana urria eta azaroa bitartean egingo da, itxiera abenduan eta landaketa urtarril eta otsailean. Baso-berritze honek berotegi-efektuko 4.829 tona gas konpentsatzea lortuko du bere balio-bizitzan, hasierako fasean 878 tona CO₂ konpentsatu ahal izango direlarik (totalaren % 20a, berme-poltsarako erreserbatutako % 10a kenduta). Proiektuaren aurrekontua, guztira, 146.891,24 €-koa da.

Parte-hartzaileak

Proiektua Lesakako Udalak eta CPENek sustatzen dute. Basoberritu, konpentsatu eta finantzatzen duten enpresa gisa, Korporazioa osatzen duten hamasei sozietate publikoak ditugu, Hidrorubber, Nafarroako Rural Kutxa eta ArcelorMittal enpresekin batera.

Aurkezpenaren oihartzun mediatikoa

Kontsultatu hemen 2023ko urriaren 31an Eskolamendin egindako proiektuaren aurkezpenaren oihartzun mediatikoa.

admin Az, 03/12/2025 - 12:28

Sector

Medio ambiente

Empresa

CPEN

Sozietate publikoek inoizko emaitza operatiborik onenak aurkeztu dituzte

gestor — Wed, 28 Jun 2023 10:00:19 +0000

Sozietate publikoek inoizko emaitza operatiborik onenak aurkeztu dituzte gestor Az, 06/28/2023 - 12:00

Enlace

Sozietate publikoek inoizko emaitza operatiborik onenak aurkeztu dituzte

Empresa Filtro

CPEN

Empresa

CPEN

Hezkuntza Departamentuak eta CNAI sozietate publikoak hizkuntzetan murgiltzearen aldeko apustua egin dute ezohikoa izanen den uda honetarako

gestor — Tue, 30 Jun 2020 11:59:13 +0000

Hezkuntza Departamentuak eta CNAI sozietate publikoak hizkuntzetan murgiltzearen aldeko apustua egin dute ezohikoa izanen den uda honetarako gestor Ar, 06/30/2020 - 13:59

Enlace

Hezkuntza Departamentuak eta CNAI sozietate publikoak hizkuntzetan murgiltzeare…

Empresa Filtro

CNAI

Nafarroako Gobernuko sozietate publikoek 6,81 milioi euroko mozkinak izan dituzte 2019an

gestor — Wed, 24 Jun 2020 07:01:13 +0000

Nafarroako Gobernuko sozietate publikoek 6,81 milioi euroko mozkinak izan dituzte 2019an gestor Az, 06/24/2020 - 09:01

Enlace

Nafarroako Gobernuko sozietate publikoek 6,81 milioi euroko mozkinak izan dituz…

Empresa Filtro

CPEN

Ingurumen hezkuntza: iraunkortasunerako lehen pausoa

gestor — Mon, 27 Jan 2020 08:19:02 +0000

Ingurumen hezkuntza: iraunkortasunerako lehen pausoa gestor Al, 01/27/2020 - 09:19

Gaur, urtarrilak 26, igandea, ospatzen den Ingurumen Hezkuntzaren Munduko Egunaren ospakizunak, hain beharrezkoa eta premiazkoa den erronkari heldu behar diogula gogorarazteko balio digu: Planeta, baliabideak eta ingurumena zaintzen ikastea. Hau izaki bizidun guztien bizilekua da, bizitzaren agertoki globala, eta, oraintxe bertan, bizileku hori Australian sutan dago, duela hilabete gutxi Amazonian egon zen bezala (eragin handieneko kasuak aipatzearren), gaur egun arte ikusi ez den eskala dramatiko eta imajinaezinean. Suntsipena, zoritxarrez, oso presente dago, eta gu gara hari aurre egiteko gai garen bakarrak.

Nafarroan, ingurumenarekiko kezka betidanik handia izan den tokian, NILSAk –saneamenduan eta araztegian jarduten duen Nafarroako Gobernuko sozietate publikoak– 30 urte daramatza baliabide preziatu horren erabilera onei buruz hezten eta kontzientziatzen. Hezkuntza-programa 1999an sortu zen, eta, 2019an, bertaratze markak hautsi ditu. Horrek herritarren inplikazioa gero eta handiagoa dela erakusten du, eta eskerrak eman nahi dizkiegu horregatik. Eskerrik asko inplikatzea, gizalegez eta kezkaz, kontserbazioaren arrakastarako funtsezkoa dela jakiteagatik: aberastasun naturalari eustea hezkuntza onetik, ikasteari gustua hartzetik, hasten da behar bezala jardun ahal izateko. Hala, eskerrak eman nahi ditut datu batzuk xehatu aurretik.

2019an, 9.155 pertsonak osaturiko 547 taldek hartu zuten parte NILSAren hezkuntza-programan. Eskola-tailerrak izan ziren gehien eskatu ziren jarduerak (5.812 parte-hartzaile izan ziren, 303 taldetan banaturik). Gainera, iaz eskolaz kanpoko 1.858 partaide izan ziren, 99 taldetan banatuta. Datu horiek beste urte batzuetakoak baino nabarmen altuagoak dira, eta, klimaren aldaketa egoeran adin guztietako pertsonen artean saneamendua, arazketa, uraren zikloa eta uraren inbrikazioa ezagutzeko interesak duen garrantzia erakusten digu (2018an 7.177 pertsonak hartu zuten parte, eta 2017an, 6.903k).

Formatuei eta gaiei dagokienez, publiko orokorraren artean onarpen handiena dutenak udako tailerrak, nagusientzako hitzaldiak eta ibaien ertzetako jarduerak dira. Egitaraua zabala da, askotarikoa, eta etengabea urtean zehar; gainera, guztiz doakoa. Hiru hizkuntzatan ematen da (gaztelaniaz, euskaraz eta ingelesez) eta mota guztietako behar bereziak (entzumena, motorra, ulermena…) dituzten taldeetara egokitzen da, www.nilsa.com webguneko hezkuntza-atalean zehazten den bezala. Bertan posible da informazioa eskatzea edo izen-ematea tramitatzea. Une horretatik aurrera, programako taldea –jarduerak egiten dituzten bi begiraleren dedikazio osoarekin (hezkuntza-eskaintza egunez egun hobetzeko ahaleginarengatik zoriontzeko aprobetxatzen ditut)– jarduera bakoitza eskatzailearen eskakizunetara egokitzen saiatzen da.

Bestalde, azpimarratu behar da programa Nafarroako herri guztietara iristen dela NILSAren jarduera-eremuan (foru-eremua, hiriburua eta haren mugakide diren herriak izan ezik, horien eskumena Iruñerriko Mankomunitatearena baita). Horrek esan nahi du toki ezberdinetako edozein herritarrek –Bardeetatik Bidasoara– uraren eta arazketaren zikloa ezagutu dezakeela, bere herriko ikasgelatik harago mugitu behar izan gabe, edo bere ibaiaren tarte batean egin dezake. Begirale taldea hara joaten da, eta Nafarroa egituratzen duten azpiegiturak azaltzen ditu. Kasu honetan, saneamenduari dagokionez, homogeneoa izan nahi duen osotasun kohesionatu baten zati gisa, ez bakarrik instalazioak eraikitzean, baita horiei buruz kontzientziatzeko eta azken helburua azaltzeko ere: ibaien egoera ona. Azpiegitura guztiek eta biztanle guztiek, beren pisu demografikoa edozein dela ere, protagonismo bera hartzen dute guretzat; horregatik, beraien ingurune hurbila, gehien eragiten diena, ezagutzeko aukera berberak eskaintzen dizkiegu.

Horregatik guztiarengatik, NILSAtik urtetik urtera gero eta pertsona gehiagok programa honekin bat egitea nahiko genuke. Hori lortzea kasu arrakastatsua litzateke Nafarroako ingurumenarentzat, kontzientzia globalarentzat, tokiko jardunbide egokientzat eta gu guztiontzat, gizarte gisa. Eguneroko jarduera jakin eta eskuragarrien bidez errespetatu eta zaindu behar den planetaren parte den gizartea. Hori da hezkuntza-programarekin gauzatzen dugun ahalegina. Eskerrik asko zure erantzun ikusgarrienarengatik. Jarrai dezagun horrela, mesedez.

Image

Empresa

NILSA

Puesto

Nafarroako Gobernuko NILSA sozietate publikoko zuzendari gerentea

Nombre

Fernando Mendoza

Pié de foto

Fernando Mendoza Nafarroako Gobernuko NILSA sozietate publikoko zuzendari gerentea da.

Nafarroako sozietate publikoek ekitaldia positiboan itxi dute bigarren aldiz euren historian

gestor — Wed, 26 Jun 2019 12:14:04 +0000

Nafarroako sozietate publikoek ekitaldia positiboan itxi dute bigarren aldiz euren historian gestor Az, 06/26/2019 - 14:14

Enlace

Nafarroako sozietate publikoek ekitaldia positiboan itxi dute bigarren aldiz eu…

Empresa Filtro

Sector público empresarial

Empresa

NSP

Navarra pionera cartográfica

admin — Tue, 03 Apr 2018 08:45:18 +0000

Navarra pionera cartográfica EUS admin Ar, 04/3/2018 - 10:45

Nafarroa aitzindaria dela maila nazionalean SITNA-ri esker. Tracasa Instrumental sozietate publikoak kudeatutako Nafarroako Gobernuaren erreminta kartografikoa honek 1.100 informazio zehatzetara sarbidea ematen du (garraio sareak, mendiko bideak, natura-gune babestuak, dendak, jatetxeak, osasun-zentroak, …).

Salinas de Navarra mayor productora de sal vacuum

admin — Tue, 03 Apr 2018 08:44:14 +0000

Salinas de Navarra mayor productora de sal vacuum EUS admin Ar, 04/3/2018 - 10:44

Salinas de Navarra Espainiako vacuum-gatz ekoiztetxerik handiena dela, urteroko 160.000 tonako ekoizpenarekin?

NILSA depuradora

admin — Tue, 03 Apr 2018 08:43:48 +0000

NILSA depuradora EUS admin Ar, 04/3/2018 - 10:43

NILSA-k 141 araztegi eta 544 putzu septiko kudeatzen dituela Nafarroa osoan zehar, zeinek 78,5 milioi metro kubikoko ur arazten dituzten batezbeste urtero?

Navarra Film Commission

admin — Tue, 03 Apr 2018 08:43:16 +0000

Navarra Film Commission EUS admin Ar, 04/3/2018 - 10:43

... Navarra Film Commission, NICDO-n bertakotutakoa, Nafarroako Gobernuak 2009an sortu zuen zinema bulegoa dela, zeinek gure erkidegoan irudiak filmatu nahi dituzten enpresa eta lagunei lana errazteko laguntza eskaintzen duen?

Sociedades Públicas de Navarra

Bosque CPEN - Proyecto de absorción de CO2 en Navarra

CPEN Basoa - CO2-a xurgatzeko proiektua Nafarroan

CPEN Basoak lankidetza publiko pribatua sustatzen du, Nafarroako enpresa sarea foru lurraldean aurrera eramaten diren basoberritze-proiektuetan inplikatuz, karbono-hustubideak sortzeko eta berotegi-efektuko gasen (BEG) isuriak konpentsatzeko mekanismo baliozkotu gisa.

Parte hartzeko aukerak

ENPRESA BAT NAIZ

Parte hartzeko aukerak

Martxan dauden proiektuekin bat egin nahi duzu?

Basoberritzea Legardan – Ekarpenei irekitako proiektua

Testuingurua

Inbertsioa eta kostuak

Ingurumen-eragina

Basoberrituko den eremuaren planoa

Lehendabiziko proiektua – Eskolamendiko parajeko basoberritzea

Parte-hartzaileak

Aurkezpenaren oihartzun mediatikoa

Batu zaitez CPEN Basora eta murriztu zure enpresaren eragina!

Sozietate publikoek inoizko emaitza operatiborik onenak aurkeztu dituzte

Hezkuntza Departamentuak eta CNAI sozietate publikoak hizkuntzetan murgiltzearen aldeko apustua egin dute ezohikoa izanen den uda honetarako

Nafarroako Gobernuko sozietate publikoek 6,81 milioi euroko mozkinak izan dituzte 2019an

Ingurumen hezkuntza: iraunkortasunerako lehen pausoa

Nafarroako sozietate publikoek ekitaldia positiboan itxi dute bigarren aldiz euren historian

Navarra pionera cartográfica

Salinas de Navarra mayor productora de sal vacuum

NILSA depuradora

Navarra Film Commission